《大發現》
有人問我：今晚升咩，暫時有兩個原因：第一、有傳中方有意跟美方就審計監管等問題展開合作；第二、有聯儲局嘅委員指局方會就變種病毒對經濟嘅影響而調整縮表嘅步伐。
亦有人問我個市仲要跌幾多，熊市係咪永不超生？大家知我一直利用250週線嚟做牛熊分水嶺，而我亦早喺跌破27000點嘅時候同大家講會有排捱，因此，我唔打算隨便估底。
但我都想同大家些牙一件好緊要嘅事，就係大市出現資金流嘅背馳。大家睇返一、二月嘅雙頂，一月嘅頂係真（大流入）而二月嘅頂係假（流出）即係話資金流有預告要走貨。
同樣道理，大家睇吓呢兩個月嘅底（仲未確認依家係底）：上個月嘅底係流出，今個月嘅底係流入。咁我可唔可以話上個月嘅底係真，而今個月嘅底係假？即係有條件炒返上？
拿拿拿我講明先：我講出嚟只係想俾大家brainstorm下，而唔係教大家估底、撈底嘅，尤其係當指數仲未收復27000點而均線又係空頭嘅時候。Anyway，記住我今日講嘅嘢喇～
祝快啲見底！
😇
#港股 #熊市 #大跌浪 #幾時完
Search